5 კვირა

თქვენმა პატარამ უკვე დაასრულა თავისი ცხოვრების პირველი თვე. ამ დროში ბევრი რამ შეიცვალა: მოყოჩაღდა – აღარ გავს უმწეო შეხვეულ ახალშობილს;  გაიზარდა – ალბათ აღარც ტანსაცმელი ეტევა და საფენიც უფრო დიდი სჭირდება. კომუნიკაციის ძირითადი საშუალება ისევ ტირილია, მაგრამ ტირილის ენა უკვე თქვენც გესმით და პატარაც უფრო ცხადად გატყობინებთ თავის საჭიროებებს. უკვე ისწავლეთ თქვენი შვილის რიტმი და ჯდებით ყოველდღიურ რუტინაში რაც ჩვილს თავს მშვიდად და დაცულად აგრძნობინებს.
5 კვირის ახალშობილი ჯერ კიდევ განვითარების ადრეულ სტადიაზეა, ამიტომ ცვლილებები ისევ სწრაფი ტემპით გრძელდება.