შეიძლება ბევრჯერ გიფიქრია ვიზიტის დაგეგმვაზე, მაგრამ ყოყმანობ. ფიქრობ, რომ ცოტაც და ყველაფერი თავისით დალაგდება. ხანდახან ასეცაა – ყველას აქვს მძიმე დღეები და სირთულეები, მაგრამ საიდან უნდა ვიცოდეთ რა დროს გვჭირდება თერაპია? იქნებ ეს სია დაგეხმაროს გადაწყვეტილების მიღებაში:

• თავს გრძნობ უიმედოდ და ვერ ხედავ გამოსავალს;
• გაწუხებს შფოთვა;
• გაქვს დეპრესიული განცდები და ჩვეულებრივზე მეტად გინდება ტირილი;
• ვერ ასრულებ გლოვას დანაკარგზე;
• თავს გრძნობ მარტოსულად და ერიდები ადამიანებთან ურთიერთობას;
• გიჭირს უმტკივნეულოდ მიიღო ცხოვრებისეული ცვლილებები და გაუმკლავდე სტრესს;
• ადვილად ბრაზდები ან გიჭირს ემოციების მართვა;
• გრძნობ რომ გადაიტვირთე – გამძიმებენ საკუთარი ემოციები და ფიქრები;
• გიჭირს კონცენტრაცია ან გადაწყვეტილების მიღება;
• გიჭირს კომუნიკაცია, სირთულეები გაქვს ურთიერთობებში;
• გაქვს აუხსნელი ფიზიკური სიმპტომები, როგორიცაა მაგალითად თავის ან კუჭის ტკივილი;
• იკვებები ან გძინავს იმაზე მეტი ან ნაკლები, ვიდრე აქამდე;
• თავს მუდმივად დაღლილად გრძნობ;
• გრძნობ მოტივაციის ნაკლებობას ან დაკარგე ინტერესი ყველაფრის მიმართ;
• ეტანები ალკოჰოლს ან ფსიქოაქტიურ ნივთიერებებს რათა დღე გადაგატანინონ;
• წარსულის ტრავმა ან გადაუჭრელი საკითხები და უარყოფითად მოქმედებს შენს ახლანდელ ცხოვრებაზე;
• გიჩნდება თვითდაზიანების სურვილი ან გაქვს განცდა, თითქოს აღარ გინდა ცხოვრება;
• აღარ განიჭებს სიამოვნებას ის, რაც ოდესღაც სასიამოვნო იყო.