2 თვე

ნისლი ნელ-ნელა იფანტება: ახალშობილი ჩვილობის ეტაპზე გადადის. თვალი გაახილა, ხელები გაშალა, ფეხები გაჭიმა და გაიღიმა. როგორც იქნა მიხვდა, რომ ცხოვრება გაცილებით მეტია, ვიდრე უბრალოდ ძილი, ჭამა და გამოყოფა.

ალბათ მოლოდინი გაქვთ, რომ 2 თვის დადგომასთან ერთად პატარა უფრო მშვიდად და ჭირვეულობის გარეშე გააგრძელებს განვითარებას. ეს ასეც იქნება, ჭირვეულობის პიკი გადალახულია, მაგრამ ყველაფერი ერთბაშად ვერ ალაგდება – ჩვილს შეიძლება ჯერ კიდევ აწუხებს კოლიკა, საღამოს ჭირვეულობები, ხშირად იღვიძებს ღამით და სხვა. ცოტაც მოითმინეთ – ნელ-ნელა თქვენი შვილი იმდენად დაკავდება სამყაროს შესწავლითა და კვლევა ძიებით, რომ გაცილებით ნაკლები დრო დარჩება ტირილისა და უხასიათობისათვის.